特首林鄭月娥出席瑞士世界經濟論壇外訪返港後，不忘喺facebook貼文兼上載影片呃Like，但由於撞正政府DQ香港眾志周庭嘅消息，唔少網民都鬧爆娥特，其中有位網民留言大鬧：「你咁DQ人法，毫無法治可言，外商都俾你嚇窒啦！」 亦有網民諷刺娥特：「連香港人最基本權利都defend唔到」。
八方發現，連一向斯文嘅白鴿黨大狀吳思諾，都忍唔住喺娥特面書留言，仲獲最多網民讚好支持。吳思諾留言中連番質問娥特，包括喺帶領特區政府破壞法治、人權同自由下，如何可以確保經濟繁榮發展？一地兩檢又如何能夠合乎《基本法》要求？狠批政府用《基本法》第104條作為DQ參選人嘅工具，係違反《基本法》第26條。