練馬師文家良今季暫已贏10場頭馬，高達半數佔五場是馬房王牌報名馬，另外近三戰文廐分別有「翡翠劇院」、「紅麗舍」及「仁者荃心」出王牌上名，賽績足以印證馬房部署取向。
周日（28日）沙田賽事，文家良替「艮志騰雲」及「開懷大少」出王牌兼雙雙配上潘頓，原來近兩季文廐只試過兩次賽事，每次將兩匹王牌馬齊交潘頓執韁，結果四駒非勝即位，今次又作相同安排，顯然必有圖謀。
第四場四班1600米，「開懷大少」今季三次角逐田草均輸不足兩身位，當中一次屬1600米即獲亞軍，乃歷來最佳名次，可見路有專長，今仗回師強項路程，抽5檔好位，難得潘頓唔肯放手，用埋王牌報名必拼盡求勝。
第三場四班1200米草地賽，「艮志騰雲」服役初出，此駒曾四次試閘，當中兩次屬田草獲一亞一殿，本身頗為早熟，加上潘頓近六次於四班賽策騎服役初出馬，取得三冠及亞季殿各一，「艮志騰雲」首戰即強配而臨，唔似求熱身。