今時今日嘅香港，大學生講粗口要停學、高官僭建就乜事都冇，被DQ嘅議員要被剝奪政治權利、政府遲交文件又係乜事都冇。噚日內會提到有啲部門遲交文件畀立法會，搞到政務司司長張建宗話會反映吓。
話說立法會秘書處統計咗2017/18年度，各個政策局向立法會各事務委員會提交文件嘅情況。內會主席李慧琼就話，秘書處統計發現有部份局唔可以喺期限前交齊文件，情況唔係咁理想，所以佢同張建宗提出關注，張建宗就話佢會同番相關嘅政策局反映。究竟呢啲遲交功課嘅局係邊幾個局、佢哋遲交嘅情況又有幾嚴重呢？最好立法會公開出嚟，作為一個小懲大誡都好。