喜慶洋洋嘅新年想過得鳥語花香一啲？今年都有機會嘞！海港城LCX會喺本月25日至2月25日舉辦Diana Beltran Herrera嘅首個香港個人紙雕作品展。Diana Beltran Herrera來頭不小，係哥倫比亞著名紙雕藝術家，同另外53位全球藝術家，曾獲Topp Kreativ及其團隊獲選為令人「WOW!」嘅藝術創作，載列於2017年出版嘅《Creative Extremes》一書。
呢次「鳥語花香：紙雕藝術展」分為4部份，分別展出Herrera嘅紙雕作品、作品相集、創作工具同創作短片，Herrera更特別為展覽創作咗極富中國傳統特色嘅Asian Garden立體紙雕組畫，係一個60x60x100厘米嘅作品，以鴛鴦為主體，以牡丹、桃花同荷葉做背景，每隻鴛鴦長約30厘米，羽毛合共逾4,000條，以多種高質藝術色紙製成。