周秀娜前晚在九龍灣出席新車發佈會，揚言享受駕駛樂趣，但絕不會醉酒駕駛，因為酒量太淺。她又指最近皮膚敏感全身痕癢，搔癢時更𢱑破皮流血：「起身郁唔到好似俾人打咁，搞到失眠，睇過幾個醫生，話可能係緊張或者壓力大。」
娜姐憑《29+1》提名本報舉辦的「最港電影大獎」最港女演員，她開心謂：「好多謝有呢個投票，最開心係《29+1》不斷嘅好消息，大家為拍好一部戲而努力，付出好多。入到圍已經係幾大嘅認同，今次好似高中畢業，又要向另一階段進發。」同場的宋熙年則透露老公陳智燊是超級車迷：「佢超級鍾意揸車，熱愛程度係放工凌晨4點都會車埋同事返屋企。」
採訪：羅慧敏
攝影：仇志德