立法會噚日大會嘅主角，自然係僭建風波主角新任律政司司長鄭若驊僭建風波。但查實噚日都有位超級大茄周身唔得閒，事關本周會議中，竟然有5條法案關佢事，情況查實算罕見，原來係財庫局局長外訪，要由署任嘅副局陳浩濂替補上陣。睇番立法會議程，除咗《2018年財務匯報局（修訂）條例草案》要首讀，另外仲有4條草案要恢復二讀辯論，包括公司修訂條例草案、打擊洗錢及恐怖分子資金籌集修訂條例草案、稅務修訂條例草案同銀行業修訂條例草案，全部由財庫局局長包辦，怪唔得陳浩濂周日跑完半馬後都話要忙於睇文件，要以最佳狀態上陣。