個個媽媽生完小朋友就會開始有幸福肥，41歲嘅Lena亦一樣，生完兩個小朋友就變咗個肥師奶，到底呢個41歲媽媽係點樣由一個肥師奶，變做越野競技障礙跑比賽亞軍呢？
Lena唔甘心自己生完小朋友後身形變晒，於是開始做運動改變身體線條，慢慢發覺自己體能越嚟越好，就膽粗粗同教練一齊參加比賽，挑戰自己，透過足夠訓練同不停進步，佢甚至能夠喺比賽中攞獎，接受訪問前兩個星期，仲喺澳洲攞咗斯巴達錦標賽（Spartan Race）亞太區亞軍！家庭方面，Lena丈夫一開始都唔支持佢，但Lena用行動證明自己改變決心，最後竟然感染埋全家人，一齊愛上運動，丈夫亦身體力行，陪伴Lena飛到唔同地方一齊比賽。身體素質改變後，Lena希望改變更多人，所以成立facebook專頁「Lena Mama，運動女人40+」，希望透過分享自己生活點滴，鼓勵其他人愛上運動，要話畀人知，佢可以實踐目標，其他人都一樣可以。
採訪：Asia@有種運動
攝影：Chris、Vic、Asia@有種運動
後期製作：Chris@有種運動
全新旅遊專頁，即like籽想旅行： https://fb.com/travel.appleseed