【本報訊】泳總屬會獲准以平價租用公眾泳池線道，又獲馬會指定為習泳學券計劃的合作夥伴，全因按規定其運作須屬非牟利。不過，《蘋果》取得一段泳總與屬會開會的錄音，主持會議的泳總義務助理秘書楊錦達多次以「做生意」、「賺錢」形容屬會的泳班及馬會計劃，顯示泳總對情況知情。
涉包庇屬會牟利
泳總在去年3月邀請屬會的負責人出席馬會習泳計劃簡介會，簡介會由計劃委員會主席、泳總義務助理秘書楊錦達主持，出席的泳總高層包括趙展雄及吳旭光，二人均是海天董事。
楊在會上提醒屬會，只有確認租到泳線的時段才可上載泳班資料，「我哋一陣間商量吓點樣解決呢個困難，等你哋又做到生意，我哋又唔使收咁多投訴」。楊又指透過馬會計劃「培養到你哋做生意」；種種講法都顯示總會知悉並同意泳會以牟利方式營運，有包庇之嫌。
總結時，楊又提醒泳會勿互相投訴，否則「揸正嚟做」，「所有隱藏咗嗰啲嘢就掘晒出嚟」。在同年另一次簡介會，楊更表明「我同馬會講，我係義工嚟咋，我冇錢賺㗎，你哋就有錢賺」。
立法會議員林卓廷認為錄音反映屬會牟利對泳總而言已是公開事實，「佢哋自己都多次講係生意，如果佢同執法機構講咁嘅說話，其實已經係招認自己唔係非牟利團體」。泳總回覆時未有回應楊在會上的言論。馬會亦未有正面回應泳會涉將收入存入私人公司問題。
■記者林偉聰