喺新任律政司司長鄭若驊僭建風波一波未平一波又起之際，特首林鄭月娥竟然避走瑞士，唔通覺得要拆彈好煩，想靜靜地諗吓有冇Plan B？如果呢個係事實惟有係事實，但呢個應該唔係事實，事關娥特呢次去瑞士係進行公務訪問箒！
娥特抵達蘇黎世後，喺財庫局局長劉怡翔陪同下同市長Corine Mauch會面，討論城市規劃、建設智慧城市等議題，之後出席咗商務午宴，席上演說唔少得hardsell一帶一路同粵港澳大灣區嘅無限機遇，邀請瑞士企業利用香港作為進入內地市場嘅平台，滿足集資同資產管理需求，唔通頴生意就係此行重點？
佢同時亦有到訪瑞銀財富管理微生態系統及數碼工廠、協助初創企業嘅全球合作社群Impact Hub，以及瑞士最大嘅藝術學校蘇黎世藝術大學。