融創（1918）主席孫宏斌加上樂視網，是咪等於遺憾呢？呢個問題真係有待時間證明，不過孫總似乎幾鍾意將樂視網拉埋遺憾嚟講。
話說停牌9個月嘅樂視網，上星期話重組遇阻，董事長孫宏斌噚日出席網上投資者說明會解話，有人問佢，家陣仲是咪覺得搞唔好新樂視係一輩子遺憾？
孫宏斌就答:「我會盡力，希望不留遺憾。但如果仍然沒有辦法，那也只能遺憾了。」
仲記得孫總舊年被人質疑佢投資樂視網，佢話：「在投資樂視之前，我這輩子已經沒甚麼遺憾了，但在投資樂視後，如果不把這個公司搞好，我這輩子就真的有遺憾了。」講完仲一度哽咽，成為財經界一幕叫人難忘嘅場面。
李華華