多得「樂壇馮檢基」，令政壇李克勤短片破天荒獲18萬點擊率；原本構思仲諗過由政壇李克勤獻唱李克勤名曲《紅日》，馮檢基同八方講，真係有認真練過㗎，但真係唱唔到嗰個style，結果臨場改出街嘅嚴肅版，畢竟基哥年代嘅當紅歌手非四大天王，「其實我鍾意嗰個係林子祥」。
阿基認為短片宣傳有效，相較以往少人睇但多嬲嬲，呢次負評比例已少過過往短片嘞。原來短片出街前，助選團亦擔心有反效果。最終團隊決定一試，阿基話，「最重要都係畀多啲市民明白，民協嘅理念同埋角色，再決定係咪支持。兩分鐘嘅短片拍攝時間達4小時，阿基笑稱「幾好玩」並愛上拍戲，有需要時或粉墨登場。