【本報訊】柴灣道前日發生吊臂車撞毀行人天橋罕見事件，經過17小時通宵清拆，有結構危險的半截天橋終於移除，至昨晨10時許道路全面解封。肇事吊臂車司機承認大意闖禍，會作出賠償，並向受影響市民道歉：「我都好抱歉，累咗好多人。」
記者：鄭文輝 翁鈺輝
駕駛吊臂車已經30多年的葉先生，意外時被軚盤撞爆鼻骨，縫了幾針，在東區醫院留醫一晚之後於昨午出院。他在醫院接受訪問時形容意外驚險，撞橋的一刻衝力頗大，「成架車升高，我以為撞壆，被困個多小時，一直流鼻血，消防叫我唔好郁住，用雲梯嚟救」。
半截天橋拆除 道路解封
他憶述，前日早上8時至下午5時在筲箕灣官立中學工作，不過收工時忘記了收臂，「當時將吊臂升咗好少，將底部留空間放木枕，放完木枕，但唔記得壓番落去，本來車頭應望到個勾，但當時冇留意，吊臂車剛落斜，我視線望落去，睇唔到上面，因剛高過少少車頂，我聽唔到其他車司機響按提我」。
他無奈地說：「失魂起上嚟冇辦法，都累咗好多人，阻住好多人。」說到可能要賠償數百萬元，「擔心都冇辦法，責任係你，你一定要賠㗎，如果要我賠，我冇錢點賠，惟有慢慢嚟，逐啲畀番出嚟，我一定有部份責任，係我自己大意，機件故障唔大，我自己大意」。
受今次意外影響，柴灣道來回線前晚需要封閉，路政署出動4部重型車輛，分別固定肇事吊臂車及橋身，至凌晨零時許，車頭向天翹起的吊臂車被移開，工程人員馬上燒焊清拆受損天橋。
至昨日早上7時許，半截天橋已經被拆除，由吊臂吊起並運到貨車載走。大約一小時後，天橋梯級亦已經拆除移走，至昨早上10時50分西行線解封。
據了解，單是昨天動用4部重型車輛運走受損天橋的費用已高達20萬元，重建天橋費用隨時高達數百萬元，路政署發言人指出，該段行人天橋將需要重建，除了清拆及重建天橋的費用，還包括交通改道及行政費用，現時尚待估算。
路政署發言人續稱，政府會根據相關執法部門稍後提供的交通意外調查資料，按實際情況及既定機制，向引致道路設施損毀的涉事人士追討維修費用。
