人稱「大師」嘅訊匯證券行政總裁沈振盈琴日喺出席城市論壇之後話，恒指已接近見頂，維持大市今年最低跌穿二萬點嘅睇法。而俾唔少人視為樓市明燈嘅紀惠集團行政總裁湯文亮似乎識英雄重英雄，即刻出文撐大師。湯文亮覺得，呢個係大師嘅終極賭局，企圖一鋪翻本，認為恒指就算最後只係落到二萬五千點，大師都已經可以打橫行。佢仲話，自己雖然無大師睇得咁淡，但亦認同恒指已到了高位或者接近高位，認同「青姐」胡孟青所指恒指喺下半年或者會溫水煮蛙式咁下跌。
湯文亮喺文章最後仲話非常佩服大師膽量，認為佢唔似得其他評論員咁升市睇升、跌市睇市，而係實牙實齒咁話股市跌三成幾，相信唔係好多人可以做到㖭。