英聯盃就嚟踢四強次回合，衞冕嘅曼聯夠鐘將隻獎盃還番畀賽會，但突然發現原來唔見咗個盃座，恐怕要賠1,000鎊（約1.1萬港元）。英國《鏡報》報道，話個盃放咗喺奧脫福嘅球會博物館，但職員近日攞個盃出嚟嗰陣，發覺盃座不翼而飛。紅魔發言人就話確認唔到盃座嘅下落，只係話「獎盃喺慶祝嗰時可能受到損毀，但呢樣嘢都係第一次發生」。