【本報訊】近期股市樓市暢旺，連帶城中有「大美人」之稱嘅港姐前冠軍李嘉欣，都抵擋唔到樓市嘅魔力，用私人名義一擲逾7,600萬買入何文田一個豪宅新盤。
究竟邊一個豪宅咁有魔力，就係中信泰富發展嘅何文田KADOORIA，早前已經有電影界人士吳思遠家族以近4億元掃入3個單位，今趟大美人就買入嘉道理道119號5樓單位，實用面積1,672方呎，成交價7,620萬元，實用呎價45,574元，今次大美人係用自己個名REIS MICHELE MONIQUE（李嘉欣葡萄牙姓名）登記買入，如果她係以首置客身份入市，以正常稅率4.25%計，可慳稅慳近900萬元。