影壇大哥大洪金寶名下嘅「崇山寶」，原本喺去年退役後運返出生地澳洲頤養天年，不過最終幕後卻改變主意，希望「崇山寶」再度馳騁於綠茵場，延續光輝，可惜如意算盤未能打響。
目前已八歲嘅「崇山寶」，是7捷本港前頂級短途馬，2014年曾為港爭光勇奪一級賽杜拜阿喬斯短途錦標，今日(20日)「崇山寶」作缺陣十個月後復出，參加澳洲費明頓馬場舉行嘅肯辛頓錦標1000米草地表列賽，「崇山寶」換咗件橙色綵衣出戰，但當地馬主登記名字仍是洪金寶，此駒今仗一貫出閘迅速，曾經帶頭，但跑落力度未能貫注，漸漸力歇，早最後喺騎師薛凱華胯下跑包尾過終點，演出無復當年勇。
「崇山寶」不但跑包尾，而且跑完還流鼻血及心律不正常，加上以往在港已傷患纍纍，故現任練馬師艾馬殊及翟世民亦隨時宣佈此駒再退役，「崇山寶」亦終於獲得解脫，可以真正休息了。