AC米蘭（圖）雖然近年喺意甲成績唔掂，直情緣盡晒歐戰，不過話晒都係米蘭球隊，仲係傳統豪門，號召力始終喺度，近期有意大利時裝品牌同佢哋嚟個crossover，直情用AC米蘭個名開咗條line，一班球員相當型仔咁做model，球會青訓出身嘅小將柏德列古度尼同文奴爾盧卡迪利就做埋主角，連埋迪施基利奧等嘅意大利型佬，型到唔似係球員㖭呀！
而邦路斯、蘇索、查漢奴古、基斯爾等嘅AC兵，大合照時都好enjoy呢個活動咁呀，教練加度素都同品牌設計師合照，似乎大家都冇受球會𠵱家只係排意甲11名嘅負面情緒影響，睇吓佢哋嘅戰績幾時可以振作啦！