U23亞洲盃繼續吹冷風，今次連出名係亞洲強國兼上屆冠軍日本（藍衫），都要落馬，仲要爆冷大敗畀烏茲別克4:0，問你怕未？日本喺周五呢場八強戰，上半場已經落後緊0:3，開出足智彩達200倍嘅半場波膽，而換邊後再失多一球，輸到0:4，呢個全場波膽就250倍，真係唔知有幾多人中到？其實當馬來西亞同越南呢啲足球小國，今次都爆冷出線八強，就知今屆賽事唔可以好正路咁去分析，而日本大敗出局後，唔知今日開波嘅上屆亞軍南韓，對住馬來西亞又會係點樣一回事呢？
至於另一場卡塔爾對巴勒斯坦嘅八強戰就正路啲，分組賽踢中國出局嘅卡塔爾，面對同為中東球隊、最後一輪分組賽曾大勝泰國嘅巴勒斯坦，就以3:2險勝躋身四強，對手將會係伊拉克同越南一戰嘅勝方。