今年台慶林淑敏成為「最佳女配角」大熱之選，大家對佢個樣好有印象，不過有做過咩角色、點樣入行都唔係好解。其實林淑敏喺加拿大讀大學，畢業後做過空姐，2000年參選港姐入行，當年仲獲得「網上最奪目小姐」，佢同期嘅佳麗仲有劉慧蘊、簡佩堅、劉嘉慧、陳思齊、王殷廷、岑寶兒等，不過佢哋好多已經離開大台或者淡出，而林淑敏就喺大台做足18年。
林淑敏喺大台拍過唔少劇，不過主要都係飾演配角，直至05年憑《翻新大少》入面戴少麗一角獲提名「飛躍進步女藝員」，不過最後十強不入。
而喺2011年林淑敏喺微博自爆喺2010年患上第二期乳癌，同年10月宣布抗癌成功，及後佢已經極速復工。多年嚟林淑敏嘅演技被受肯定，不過都與獎項無緣，而今年因為喺《愛·回家之開心速遞》飾演大小姐龍力蓮一角，終於獲提名「最佳女配角」。
至於感情方面，林淑敏喺13年同拍拖13年嘅男友陳中原（Tommy）結婚。