距離農曆新年仲有成個月，政府部門已急不及待開始招聘暑期實習人員，香港電台噚日起就28個職位聘請暑期實習生，實習期2至3個月，由於實習學員可獲豁免最低工資保障，港台實習生月薪僅得4,000元。大部份職位列明申請人須修讀新聞學/媒體及相關科目嘅學士課程，部份就容許持有副學士或高級文憑嘅大專生申請。實習職位涵蓋電台及電視部唔同部門，入職要求都各有不同，部份職位駐明申請人需擁有悅耳嘅廣播聲線，如果冇靚聲都唔緊要，有良好視像拍攝及剪接技巧都符合要求㗎。聘用期6月開始，下月2日截止申請，申請人最多可申請3個實習計劃職位。
除咗港台，律政司都請緊暑期實習人員，分法律同非法律兩個崗位，雖同樣是實習生，但人工就高港台一大截，月薪有9,800元，本月26日截止申請。