原來不知不覺間，薯片叔叔曾俊華已經離開政府一年，噚日1月19日正正係薯片叔辭職一周年嘅日子，佢喺fb po咗條片，話過去一段時間忙於睇戲、湊孫、做DJ，完全唔記得已離開政府一年了！
薯片叔就想借呢條片收集意見，究竟佢過完冷河之後，最適合做乜好呢？又叫網民若有好嘅idea，歡迎留言畀佢。
八方睇啲留言，可謂包羅萬有，有人叫佢組黨培育年青新世代重啟香港核心價值；有人叫佢組番隊band；又有人叫佢搞個安老NGO，幫助老人家；又有人叫佢返母校做校長、作育英才，更加有人叫佢參加3.11立會補選、甚至再去選特首！不過八方估薯片叔叔對再從政未必有好大興趣。