全城狙擊，選舉主任會不會DQ姚松炎呢？會啊，在這種情況下：
a.選舉主任一時唔小心，睇漏眼。連僭建地牢都未必睇到的專業人士，DQ兩個字咁細，警覺性不足咯。
b.聽到西環行埋中環的腳步聲，果然見到西環愈行愈埋，愈行愈埋……邊有正常人唔驚呀。一驚就EQ盡喪，倒退為DQ。
c.如果唔DQ姚松炎，容乜易有組織喺選舉主任屋企門口大叫「狗官」！「死×婆」！好似還會大叫「凌遲處死」，好似電視劇的情節咁恐怖。
d.按那位執葉律師的偉論，DQ等同殺無赦，殺過一次，會上癮。本主任承認，實在有dd忍唔住lol！
e.本主任宣誓，緊守崗位，堅貼林鄭新時代，DQ完全是以國家出發，行使憲法新秩序的必然措施。
f.本人乃係政壇李克勤的鐵粉這個事實，請包容吓。
g.選民會向選舉主任舉中指嗎？嘻嘻，好喎，到時主任會學黃之鋒羅冠聰咁回禮：god bless you。奶媽笑晒，底氣同行，上帝俾讚！