如果你有留意波鞋界，應該都知道上年11月Michael Lau跟PUMA合作聯乘推出了限量的SAMPLE SUEDE，大玩「Sample」鞋款的原素，除加入皮革布版tag外，更加入鋸齒原素，破天荒連PUMA標誌都改埋，再配合彩色鴛鴦記計，玩味極高。
估唔到事隔兩個月，這個聯乘又再次出動，同樣以SUEDE為藍本，SAMPLE鞋作設計概念，但就把玩味彩色換上內斂有型的黑白灰。其實上次都已經奇怪向來愛簡約的劉生竟然會玩彩色，今次加推黑白灰版，即時啱晒feel。而今次這續作會連同劉生設計的Worth Cat Figure一同發售，不同的就當然是Worth Cat也由彩色變成黑白灰。
另外更重要的是，相比上次的極限量，今次官方透露將會有較多貨量，更重要是建議零售價值亦比上次的$1,990平，只售$1,790，唔使排隊之餘，價錢更抵玩，對波鞋同劉生fans都絕對係福音。上次買咗嘅，當然要入埋呢對儲一set，至於上次買唔到嘅，今次不要錯過喇。
記者：韓繼聰
全新旅遊專頁，即like籽想旅行： https://fb.com/travel.appleseed