前年內地私募基金九鼎集團出資百億收購香港富通保險股權，仲挖角香港大都會人壽CEO楊斌官（Lennard）。點知Lennard過檔兩年多啲又再跳槽，月底將會出任金融服務提供商卓佳集團嘅CEO。
華華聽聞有業界知道後，就即刻走去關心下Lennard，八卦吓係咩原因。事關九鼎自從收購富通後，就因為構成重大資產重組而喺內地連續停牌超過兩年，似乎有啲令人擔心。不過，華華聽聞Lennard笑住否認，話集團業務仲係一路好好。
除咗Lennard外，今次卓佳仲搵到保險界猛人Gordon Watson出任集團非執行主席。Gordon係AXA安盛亞洲行政總裁，過去7年仲曾擔任友邦保險區域行政總裁。
李華華