【蘋果專訪】人稱一哥的楊貫一，縱橫廚藝界逾半世紀，憑招牌菜「阿一鮑魚」揚名國際，日前他在銅鑼灣接受本報專訪，談到傳奇一生，生逢日本侵華戰亂時代，童年生活悲慘，母親離開，父親再娶，9歲喪父：「我老竇係管太公啲數，啲人妒忌，搵人打死我老竇。」一哥只好帶着兩個妹妹投靠祖母，最後妹妹都餓死了。雖然父子相處日子短，但他仍記得父親煮的家常菜，還有「不煙不酒做良民」的教誨。
帶五十元來港
15歲時，一哥帶着五十元來港，在高級飯店做童工，月薪三十元，再轉做樓面：「嗰時個個都苦，樓梯底都要瞓，蝕底都要做。」一哥接近50歲才成為廚師，於74年和幾位朋友合資開富臨飯店，但經營最初未如理想，要向銀行借錢周轉，再向相熟食客借一百萬解困。到86年上京為鄧小平煮鮑魚，才踏上國際舞台。
一哥在訪問中多次提到要忍耐：「忍耐先有明天，只要勤力，邊度都有得做。」做好本份亦是他做人宗旨：「做好自己本份，唔憂冇得你做，能夠畀人一個好印象，一路傳開去，喺中國邊個唔識得楊貫一。唔係你自己話，係人話你好先有效。成功都不能驕傲，好多人講楊貫一你唔使做，唔做又辛苦。𠵱家啲年輕人，好嘅要教佢，唔好嘅都要教佢點樣做。」一哥認為現今年輕人的問題有兩難局面：「香港年輕人唔好依賴，依賴屋企唔掂，但啲樓價咁高點搞？」
做廚三十多年勞碌大半生，一哥依然享受工作，財富無憂的他，仍住在當年以一百萬買入的杏花邨：「我唔係話好多錢，都係兩餐唔使憂。物質唔重要，好知足，最緊要使咗又有就得，家庭有規有矩，慳得嚟又使得，使完又要搵。」
「最緊要求安定」
雖已屆85歲高齡，一哥仍未想退休，每朝10時返飯店打點：「人最緊要求安定，仔女大晒，就算我唔做我都好快樂。」一哥育有兩子一女，女兒楊慕琴已退休，細仔在加拿大做會計師，大仔就做鮑魚生意。
採訪：梁錦雯、吉吉