警方在北角拘捕63歲婦人，涉嫌在警棍打途人案有判決後不服，在法庭外高呼「狗官當道」、「死差婆」！辱警有罪，撐警一樣冇好下場！林鄭忍唔住出聲譴責，無走雞啦，官非惹硬。
珠玉在前，六旬老嫗怎樣抗辯呢？手到拿來，easy借鑑潘鄭，語法官：a我太忙，忙到狗官與差婆講咗出口都唔知，無留意嘛。b私底下其他fan都係咁鬧，我一時唔小心copy，無心之失來的。c技術性而言，係警覺性不足。連潘鄭這種專業精英，都會鬼掩眼唔知自己住在僭建屋整整十年，撞鬼吖嘛。我等婦人，試問點會咁叻，以專業判斷去理解藐視法庭呢一瓣。英文喎，我真係無隱瞞，真係唔識。d法官大人，唔該俾時間我處理。e狗官和差婆，又唔係加上殺無赦，無抄襲何君，不涉侵權吧。f差婆，有幾辱呢又？對家開口閉口鬧人死差佬，又唔見你告佢？
自辯至此，老嫗心底終於感受到精英心態！雙重標準！存在的事實就係：林鄭只會包庇精英，對小婦人絕不包容。柒！早知當日應該撐薯片！今天林鄭與西環行埋，市民被迫睇床戲，肉酸！陰功！