任達華、琦琦及陳曉東等昨晚在中環出席旅遊時尚品牌活動，任達華談到曾志偉昨日開記者會事件，他說：「我相信志偉，佢好尊重女性，對女仔好幫忙，無論男男女女、新人、紅唔紅都好樂意幫，其他事唔知，冇睇新聞，唔知來龍去脈，唔方便評論，但志偉係好人。佢識得處理，局外人唔知咁多。」而東東對於藝人受到網絡暴力，笑言自己已有免疫能力：「網絡係自由環境，每個人嘅說話都代表自己，我已經習慣咗，免疫。」
此外，任達華透露和太太每次去旅行都會滿載而歸：「我係負責任嘅男人，同太太去旅行，通常兩篋去八篋返。佢試過買40對鞋，當時未婚，我做觀音兵，婚前婚後都幫佢拎篋，買嘢係人生一大樂事。」
採訪：黃曉妍
攝影：林賓尼