早前有報道，話內地有個姓馬的爸爸，為出生的寶貝女改名為「馬莎拉蒂」（名車品牌），估唔到咁搞笑嘅情節，居然連本港上市公司都有興趣。講緊嘅就係近期是非纏身的康宏環球﹙1019﹚。
康宏證實，公司正就品牌重新定位進行內部諮詢，定咗幾個名畀員工投票。改名本來唔係壞事，反正本港好多財技了得嘅股份，cap完水股價大跌後，就改個名再無限輪迴，但係市場傳聞話，康宏嘅選擇包括Answer Financial Services（有方理財）、Breakfast Financial Services（早點理財）及保留原有的康宏（Convoy），又「答案」（Answer）又「早餐」（Breakfast），究竟現任康宏管理層好想就近期是非要個答案，定太肚餓想要份早餐？
唔怪得連停職中的康宏前主席王利民在其個人facebook出post，以「超低能，勁搞事IQ題：A＝Answer（有方）、B＝Breakfast（早點）、C＝Convoy（不補充）及D＝？」問問大家。最後康宏會叫咩？王利民話：「最後答案係……Q（識得笑，其實更想喊）」。
李華華