滙豐最近出咗個新信用卡App Reward+，以後儲埋儲埋嘅「獎賞錢」可以用嚟找卡數，仲可以睇返信用卡交易紀錄、最近有咩新優惠咁，等卡戶容易啲管理。
滙豐香港區零售銀行及財富管理業務客戶業務營運主管李樺倫話，Reward+由一月推出至今，成績非常唔錯、令人開心，雖然無透露實際下載量有幾多，但佢就話現時市面上有成4百萬張滙豐信用卡流通，舊年聖誕節同新年都見到市民消費意欲強，希望今年可以持續氣氛。
滙豐香港區零售銀行及財富管理業務信用卡及私人貸款主管甘家儀就話，就喺剛剛過去嘅聖誕節，滙豐信用卡嘅簽賬額已經按年有雙位數字增長啦。
李華華