今年農曆新年二月中就到，三間發鈔行滙豐、渣打同中銀2月6日起就會提供兌換新鈔服務。每年換新鈔，銀行都要大排長龍，真係諗起都頭痛，不過今年渣打客戶就有着數啦，事關渣打將會試行網上預訂新鈔，可以減省唔少輪候時間。
但要留意今次安排只限優先理財客戶，客戶自2月6日起，可以去網上銀行預訂所需鈔票數量，同埋邊間分行交收，而取鈔日期就由2月9日開始，到2月15日。不過，每間分行嘅新鈔供應及時間都有限額，先到先得架。
雖然換新鈔封利是係一直以來嘅傳統，但金管局都呼籲市民可以用「迎新鈔」（即係仲係好新淨嘅舊鈔）代替新鈔封利是，多多支持環保。
李華華