黃長興的第二家法國餐廳昨日在尖沙嘴開幕，邀得弟弟黃長發、曹永廉、林子善、李亞男及蕭正楠等到場支持。黃長興表示由10年開第一家餐廳開始，已經有意再開：「不過自己都有掙扎，因為做餐廳好困身，令我冇得專心拍劇，今次搵到partner幫手，令我可以做多啲幕前。」他謂與三位友人合資共300萬，目標可以到中國發展。
黃長發指忙於模特兒公司生意，希望能向國際發展：「𠵱家少咗機會見阿哥，所以今日特登嚟支持。」曾開食肆的阿廉自嘲「搞嗰啲執晒」：「好多朋友開食肆，我哋成日幫襯。」問到同樣開食肆的林子善，可會擔心被黃長興搶生意？他笑謂：「我去掃佢場，我意思係掃晒佢啲食物，佢又掃晒我啲食物，大家都有生意。」
採訪：盧妹
攝影：林賓尼