王君馨前晚在亞洲博覽館出席晚會，更穿上一件低胸晚裝示人，她笑說：「場合大，要隆重少少，多咗呢啲場合，所以自己都會練歌表演吓。」王君馨表示去年收入大增：「上年係我咁耐以來，賺得最多嘅一年，不過，上年使好多錢，要結婚、搬新屋。」
王君馨又大讚老公旺妻，提到買樓，她說：「努力緊，香港樓價太高，之前同老公去抽樓花，心情好似買六合彩咁，嚇餐飽，同老公諗住買間細細哋嘅投資，都搞成咁，就算有錢都買唔到樓，都係儲啲錢先，希望2018年搵多啲錢，嚟緊會同老公一齊keep fit！」今年是王君馨婚後第一年派利是，她好開心說：「我同老公講個銀碼，佢聽到即刻『吓』咗一聲，不過希望利利是是，今年第一年要派雙封嘛！」
採訪：黃曉妍
攝影：葉君海