楊貫一現在已是世界御廚，但他並不是紅褲子出身，他的廚藝是環境迫出來的，接近50歲才入熱廚房成為廚師。一哥15歲初來香港做樓面，半工半讀完成中學課程，他做食肆樓面做了20多年，用了幾萬元的積蓄與幾位朋友夾份在74年開了富臨飯店，由打工作變成老闆：「成日都要顧住飯碗，要賺錢唔可以蝕本，嗰時候幾千蛟可以買到樓，仲知一班好朋友一齊做嘢，我哋自己識得諗做上去。」
飯店經營最初未如理想，他要去銀行借錢周轉，有一天，返到廚房叫伙計炒飯給他吃：「要成功就成仁，我哋自己喺環境要忍受，借唔到錢返嚟，叫佢哋炒碟飯都唔得，佢哋話『你煮啦，落場啦。』」於是，一哥就係自己入廚房炒飯，他表示：「嗰時啲人好野蠻，郁吓就講打講殺啲伙計，嗰時候為搵兩餐乜都敢做，唔同0依家啲人，0依家啲後生郁下要享受，我哋嗰時唔係講享受，要捱到幾夜都要返工，廚房工人係做，你睇到嗰時敷衍去做，唔係忠實去做，搵份工做好難。」
一哥做了老闆，思前想後要研究有特色菜式才殺出重圍，用了3年鑽研整飽魚，在84年鑽研出「阿一鮑魚」：「困難重重都要死頂，一定要打骰，滿頭腦筋都好大問題，就諗到做鮑魚，嗰天注定要我哋咁做，不過嗰時搵人食冇人信你，而係啲人唔相信你楊貫一能夠做出好鮑魚，因為我唔係廚師。」成功鑽研出「阿一鮑魚」，未立即為一哥脫離困境，因為當時中英聯合聲明後，香港人萌移民潮，經濟市道不好，而他的飯店陷入財困，最後由一位一哥任職告羅士打酒樓年代，相識多年的食客陳先生借出100萬為他作燃眉：「嗰時環境嗰嗰都雞飛狗走，嗰嗰都話移民，我移咩？我冇資格啦，我哋都忍耐。」
之後，一哥的事業曙光終於出現，85年獲邀去了新加坡參加一個美食節，他表示：「我喺新加坡成功咗，日日幾個人做20圍，我希望做到好，做得好要幫佢做，人哋去跳舞，我哋就去瞓覺，5點鐘起身，過咗20日，嗰時好犀利，成功咗，報紙，大幅咁賣，上面北方知道有個鮑魚能手。」就是在美食節的成功造就了他86年上北京，在釣魚台國賓館為當時國家領導人鄧小平下廚的機會，回憶當時點滴，一哥即露出滿意的笑容：「我喺釣魚台有record。我喺嗰度住過半個月，嗰時住5號房好巴閉，當你神拜咁，去到邊度都有人跟住你。嗰時有人話我命運注定擺兩邊，一邊有風，一邊有雨，風雨交加，鄧小平先生鍾意我煮鮑魚，嗰次請客食到我煮鮑魚，佢就講『開放改革就有好鮑魚食，唔係今日都冇好鮑魚食。』」原本一哥與鄧小平有合照的機會，不過因司機搞錯地點而錯失了，但他因為鄧小平下廚煮鮑魚，已令他在國際揚名，當時名堪輿學家王亭之為他算命，王亭之與一哥說：「你真犀利，聽日唔係淨係鄧小平見你煮鮑魚，係全世界領導人都要搵你。」之後，一哥就踏出國際舞台，有機會去法國及其他地國家獻廚藝：「法國總統對我有禮貌，去過好多地方，見過加拿大總理，其他瑞典國家，成個歐洲去過晒，去過南非都去埋，煮畀領導人食，之後，我見咗世界御廚主席，就委任我做世界御廚。」
採訪：梁錦雯、吉吉
攝錄：馮峰、卓振輝
攝影：林德雄
更多娛聞，喺晒《娛果》。
http://fb.com/appledailyent