讓四歲幼子赤條條在四處都是屎尿的劏房周圍走的那位母親,完全是fb病態,甫離開差館就fb反轟留言,大言不慚向網民宣戰並說「謝謝你們,扭曲事實的爛嘴!」有時間更新fb打牙骹戰,怎麼不去醫院探望兩姐弟。打贏嘴炮又點,屋企一樣屎尿開花!
不如學吓潘鄭,指自己「好忙」,忙到唔記得倒屎!法官唔信?搬林鄭金句一言九頂:「如果呢個係事實,咁就唯有係事實」!唔執屎,唔犯法嘛,只要俾時間佢處理,包容吓啦,成屋屎,又無僭建地牢與天台,無將間屋發水多45%咁當然更加無呃稅,無欺騙銀行按揭。照咁講呢,呢個屎尿媽,愈來愈有能力做律政司個位!只要林鄭信佢無隱瞞,話之全城噓爆,絕對唔會面紅。雙重標準,九項僭建,N份兼差,但炸彈有幾多個?唔知,總之一地都係,遍地屎尿,就等林鄭一腳踩上去,來個老懵董式世紀一跣!
怕跣才會贏,林鄭被西環王公公點讚聲稱中環西環行埋一齊,是跟林鄭的共同心聲,以後一定會愈行愈埋。行埋,以游小姐本土名句解讀就是「扑嘢」!中西環行埋,阿柒又試叫人瞇埋眼,冇補充!