禮拜三（17日）谷草賽事用C跑道，睇番最近12月13日同一移欄賽事，除了「勁嘉輝」貼欄後上勝出外，其餘頭馬全部守前五位入直路建功，其中「歐洲之星」及「劍聶風」更加一放到底勝出，所以具前速之馬匹仍然要優先留意。
今戰列陣馬中，出戰第四場四班1650米的「歐洲之星」，上仗轉至羅富全馬房初出，即於谷草C欄勝出，贏完等番同一移欄再跑，睇部署與蔡明紹有心想添食。
另外，角逐第六場三班1200米的「幻影飛鷹」，三次跑谷草C欄非冠即亞，亦係全場唯一贏過此移欄之參戰馬。
憑藉本身較佳的場地性能，這匹何良馬房生力軍配巫顯東負輕磅，可望重開勝利之門。