有「體雕大狀」之稱嘅大律師梁思豪（圖），過去不時喺選舉期間出動，雖然勝算細但戰意高昂，參選嘅決心不容置疑。佢近日亦喺facebook專頁宣佈，有意參加今年3月嘅新界東立法會補選，話自己稍後去完新西蘭返港後，將會嘗試收集選舉提名，而喺佢宣佈有意參選後，至今已經有至少7人表示有意參加新界東補選。
不如回帶睇一睇，體雕大狀過去參選嘅戰績，其中最令人津津樂道係2016年新界東補選，當時約94萬名合資格選民當中，有43.4萬人投票，體雕大狀整場選戰期間從未落區拉票，甚至投票當日亦冇落區宣傳，最終攞到1,858票，係當時7名參選人中最少，最終因得票率不足3%，被選管會沒收5萬蚊選舉按金，而當時佢整場選舉開支只係用咗5,400蚊。