莫雷拉停賽兩次賽事，潘頓憑「精益求精」及「上簽」追番兩W，兩者目前差距只有七W，周三（17日）快活谷夜馬賽事，潘頓手執多匹惡馬，必然趁住宿敵雷神缺陣之際，盡量數糊將彼此頭馬數字拉近。
今朝（15日）排位日晨課，潘頓約5點半左右到場，首先為有賽程馬，葉廐第七場「心慷慨」考驗800米，及後替第二場「贏馬神器」單試800米、跟著策騎呂廄第5場「勁有波幅」快跳800米，三駒均遣往大跑道出試。
及後7時左右，潘頓再策騎沈廐第八場「好益善」前往草地千八米起步點，快試考驗800米，是全朝最矚目勤奮騎師，縱觀動態來睇，擺到明要追數，當有優先留意必要。