阿爺近年加強內地保險業監管，不過騎呢產品依然多籮籮，之前網上有人售賣藝人鹿晗「戀愛險」，觸發賠償條件係佢失戀，連中保監都頂唔順，喺網頁公開叫人唔好買！
話說中保監幾日前喺網頁聲明，話有網上平台銷售公眾人物「戀愛險」，當中特別指明鹿晗戀愛險，賠償準則係佢哋仲係咪保持戀愛關係。介紹番，小鮮肉鹿?舊年10月喺微博公開戀情，女朋友係靚靚女星關曉彤。
呢個戀愛險之前放喺淘寶網，每單保費11.11元人民幣，如果兩口子一年後仍然保持戀愛關係，商家就會支付雙倍金額，不過竟然唔少粉絲投保。
所以中保監聲明話，戀愛險唔係保險產品，消費者要提高警惕，慎防不法分子利用網上平台發佈虛假嘅保險產品。如果遭遇到以保險為名嘅賭博、詐騙，要快啲同公安機關報案！
李華華