威爾斯足總噚晚宣佈，曼聯名宿傑斯（圖）做國家隊領隊，合約為期四年。威爾斯足總周一開記者會，公佈傑斯接替高文個領隊位；傑斯終於搵到第一份主帥工作喇。前領隊高文喺上年11月，因為衝擊世盃出線席位失敗所以辭咗職，國家隊就一直未搵到人接手。家陣44歲嘅傑斯喺91至07年間代表過威爾斯上陣64次，聽講另一威爾斯名宿比拿美都想教，不過就冇份喇。