巴塞隆拿嘅阿根廷球星美斯（左）再創新里程，佢喺周日巴塞作客反勝皇家蘇斯達4:2場西甲，主射靚罰球直接入網幫球隊埋齋，個人已經為巴塞喺西甲聯賽累積入咗成366球，打破咗歐洲五大聯賽中由「轟炸機」武勒保持嘅單一聯賽入球紀錄。德國（西德）名宿武勒喺1964至1979年踢德甲拜仁慕尼黑嗰時，就幫球隊喺聯賽上陣咗427場，埋單入咗365球，球王美斯，你係得嘅！
