趣趣地：貝利炒領隊浚仔機會到

港產足球小將戴偉浚效力嘅英甲隊貝利，經過英甲同英錦標八連敗後，聯賽繼續包尾，落後尾五嘅奧咸成12分，所以周一就宣佈炒咗11月尾先上任嘅領隊盧卡迪，家陣由隊內嘅39歲前鋒賴恩路維同青年軍教頭賴恩傑特暫時頂住先。

值得一提，貝利呢排唯一一場有波入嘅賽事，就係浚仔有份建功嗰一場，家陣青年軍教頭賴恩傑特有份帶一隊，浚仔可能會有更多上陣機會喎。