雖然家陣唔少人都覺得，有個「磚頭」喺手，生活有保障啲，但查實又唔係人人都咁渴求有樓，尤其年輕一代，未必個個為咗上車而放棄理想。有社福機構進行嘅一項年輕人對人生意義同志向嘅調查，就訪問咗逾二萬名香港學生，發現逾七成受訪者抱積極態度追夢，相反，認為人生要追求物質及名利嘅受訪者不足一成。
長者安居協會開設全亞洲首創嘅「生命·歷情」體驗館，接待逾23,000名初中及大專學生，逾九成曾參與活動嘅年輕人話呀，改變對年老嘅看法，當中有一半受訪者認同必須珍惜時間；超過四成受訪者認為「成功人生」就係「能一直做自己喜歡做的事」，逾兩成學生認為能夠過「無悔」嘅人生已算成功，追求「名利雙收」嘅只有5%，只有不足4%懼怕「無錢、無樓」。