上周六上演嘅法甲聯賽，主場嘅卡昂喺43分鐘失波，門將維哥特（左）更因不滿里爾嘅尼華基美入波後跳機械人舞慶祝，感覺被挑釁而同該名尼日利亞翼鋒激烈爭吵，結果俾球證直接以紅牌逐離場。雖然未到半場卡昂已只得10人應戰，但客軍換邊後七分鐘亦有波路托尼領紅被逐，兩隊都要10人應戰，但對戰果並冇影響，里爾最後都以1:0勝出。