周一西甲獨腳戲，由貝迪斯主場對雷加利斯；貝軍雖在上仗打吡戰大勝西維爾，但付出不少代價，今仗有一對常規中堅停賽，加上近期主場戰績不及作客；雷軍防守力出色，受讓平/半必博下盤。（球賽編號：星期一8；now632台明日4:00am直播）
貝迪斯上仗在塞維利亞省打吡戰以5:3力挫西維爾，可謂今季代表作之一，但也付出不少代價，一對中堅費達爾及艾沙文迪均領黃牌，同樣已在今季累積第五黃，需齊齊停賽，就算有佐迪阿馬特復出，但中路防守仍呈不穩；此外，主隊亦有東尼沙拿比亞及祖爾甘保兩位前鋒缺陣。
貝迪斯近期戰績呈主弱客強，球隊作客取得兩連勝，但西甲主場卻四場不勝，不敵馬體會尚算可接受，惟面對基羅納及基達菲等亦未能全取三分。
雷加利斯上周中西盃作客不敵維拉利爾，幸憑作客入球淘汰對手晉級，聯賽近四仗僅一敗，球隊守力不俗，近五仗單場失球未嘗多於一球。此外，客軍陣容也較完整，除阿歷施文洛斯基及巴沙歷兩名傷兵外，基本上可強陣出征，前利物浦前鋒艾沙亞亦回勇，受讓可取。
文：牽牛