巴塞隆拿上周六為新加盟嘅後衞耶利費蘭度（圖）舉行簽約同亮相儀式，呢名哥倫比亞守將首次踏入魯營球場時，除咗鞋襪赤腳踏上球場草地。感受完魯營嘅草地後再着番鞋襪，喺8,000幾名球迷面前表演腳法同起舞。耶利費蘭度之後喺記者會解釋點解赤腳踩入魯營球場︰「聖經上經文話，以你嘅腳掌，你可以觸摸你想征服嘅土地。所以我咁樣做。」