每年一度公益金百萬行昨早在香港大球場舉行開步儀式，今年參與媒體跟往年一樣僅得無綫和ViuTV派員出席，人丁單薄。無綫由高層李寶安、樂易玲等率領黎耀祥、黃智雯、黃心穎、蔡思貝及前亞視藝員袁文傑、黎燕珊和楊玉梅等六十多人，ViuTV就由高層魯庭暉和金廣誠率領心穎家姐黃心美、李佳芯男友陳炳銓、夏雨兒子黃奕晨等約一百一十人，論知名度ViuTV藝人明顯遜色，但就以人多取勝。
專登唔瞓出席
心美和心穎兩姊妹已非首次同場，心美爆心穎有兩年「踢極唔醒」，所以妹妹今年參加百萬行感到十分驚訝，對此心穎笑說：「所以我今年專登唔瞓，都有啲攰㗎，但嚟到又好興奮，因為好似好多同事嚟晨運咁。」
心穎表示新年期間只得三日在港休息，問會否到男友馬國明家拜年時，心穎表示有此可能。心美聞言即笑說：「叫馬明嚟我哋屋企拜年啦，我歡迎，帶多啲利是嚟派。」莫非心美已接受馬明？心穎卻說：「從來唔理佢諗乜。」心穎表示沒有特別問過父母，但父母應該對馬明印象不錯，之前大家也一齊食過飯。可支持馬明憑《降魔的》登上視帝寶座？心穎說：「有投畀佢，反而佢好平常心，我都戥佢緊張，希望見證到佢攞獎一刻。」
黎耀祥嘆仔大
黎耀祥被問會否與二十歲兒子正橋一齊參與百萬行時慨嘆說：「仔大仔世界，唔好話公益，運動都唔會，後生仔唔鍾意黐父母㗎喇。」
採訪：卓寶花
攝影：林賓尼