邊度有人見到靚女，雙眼唔會發光㗎？至於有冇進一步行動呢，因人而異啦，但立法會議員田北辰明顯係行動派，但大家又咪諗歪，佢嘅行動只係同靚女合照箒，因為嗰位靚女係女飛魚歐鎧淳，佢當堂變身小fans。
盼有機會同場較量
田二少喺facebook圖文並茂，等一班港男羨慕一番，原來佢前晚主持香港兒童基金會成立典禮，遇到「女飛魚」，「嗱，唔好鬧我見到靚女就衝埋去先，實情係我小粉絲上身，想同大家分享見到偶像有幾興奮」。其實唔只鎧淳BB，相中仲有另一位靚女、「三鐵公主」許煒森，只見企喺中間嘅田二少笑騎騎好happy。
田二少話兩位嘉賓盛裝出席典禮，實在唔話得，更重要係佢哋除咗喺體壇有傑出成就，亦熱心公益，希望之後有機會同佢哋同場較量。