張繼聰去年簽約蕭定一的公司，但阿一的電影公司因與無綫有錢債官司，阿聰無辜受牽連遭無綫封殺。前晚無綫劇《誇世代》宣傳，主演之一的阿聰都沒被邀請出席。
不過阿聰依然好有心，當晚播完大結局，他立刻在社交平台貼短片，多謝一班支持該劇的觀眾。阿聰說：「睇完大結局，係咪覺得好爽呀？呢段時間無論社交平台或喺街同我講好多鼓勵說話嘅朋友，我都好衷心多謝你哋。仲有代表成個團隊多謝大家，我哋都好畀心機，大家睇得開心，我哋就滿意喇。」
同劇的江嘉敏都有留言：「以為Walking（張繼聰劇中角色）真係死咗唔要佢喇！」張繼聰一語雙關回覆：「唔好意思呀，我被人埋咗喺地下，所以嚟唔到，下次再約過。」
撰文：鍾國仁
