競爭法實行都一段時間，但相信仍然有人未必了解呢條法例，競爭事務委員會同Junior Achievement Hong Kong首次合辦「玩．Po．競」社交媒體宣傳挑戰賽，邀請全港大專生使出渾身解數，度條好橋喺facebook、Instagram同YouTube推廣競爭法，競委會仲搵嚟前財爺曾俊華政治助理羅永聰，解構作品要喺社交媒體熱爆有乜心得。
點知呢位曾喺特首選戰期間，被大讚玩fb玩到出神入化嘅大紅人，極度謙虛，笑稱若然有佢個人fb，就知道「冇嘢好睇」，自嘲「阿叔點同後生仔鬥」，話自己就算有幾多橋都好，都唔夠其他人一齊諗咁多，強調集體智慧嘅重要性，同時亦叫大家要有心理準備，俾人不斷ban橋。
機會唔等人，比賽本月31日截止，贏咗除咗有3萬蚊獎金，據聞仲有喺肥仔聰公關公司嘅暑假實習名額㖭！比賽詳情： https://www.compcomm.hk/cindex.html。