娥特雖然呢排忙住為律政司長鄭若驊擋箭，但似乎冇影響到佢公務同心情，好似噚日佢喺禮賓府同大學教育資助委員會成員會面，就促進院校培育優質人才、推動研究同加強管治交換意見，之後仲同教資會委員食飯。
娥特又喺fb發文，原來噚日一早佢仲同200幾個政府官員聽外交部駐港特派員謝鋒演講，主題係「新時代中國特色大國外交」，娥特話演講最令佢印象深刻嘅係，謝鋒講解外交理念時，提到志同道合是夥伴，求同存異也是夥伴嘅道理，娥特對呢句野咁有感受，唔知佢係諗起最近追住佢砌嘅民主派議員，定係對睇住佢俾民主派砌都袖手旁觀嘅建制派議員呢？